PEPENDE PEUTING

Anaking anak bapa nu jadi panyileukan beurang jeung peuting.....

Hirup teh ulah sampe leupas ti elmu. Sabab elmu bakal jadi panyaang leumpang dina ieu waktu. Hidep geus rada ngarti kumaha lamun urang leumpang bari jeung popoekan, tinamtu sagala kabadug sagala karempak, anu balukarna sajajalan paburantak teu kendat tina musibah jeung katugenanh. Lamun ayeuna hidep keur ngalaman hiji persoalan anu ngajadikeun kasusah, eta cirining hidep kudu terus nambahan elmu. Ku elmu mah bakal karasa bedanan. Lain berarti elmu teh ngahindarkeun diri tina masalah, sabab dunya mah karakterna masalah, tapi elmu bakal jadi cahaya dina ngahareupan masalah anu ngajadikeun masalah henteu ngabuah kasusah tapi sabalikna masalah bisa ningkatkeun pangeusi diri. Kukituna Bapa wasiat ka maneh, ulah sampe maneh mohokeun nyiar elmu kahadean, maneh hiji waktu bakal ngarasakeun manfaat diri kaeusi ku elmu teh. Kanjeng Rosuul oge dina hadist-hadistna loba pisan anu ngawanti-wanti diri kudu dieusi ku elmu. Erek urusan dunya sumawona akherat, konci jang muka kabagjaan jeung kawaluyaan dunya akherat mah euweuh deui iwal ti ku elmu koncina. Keun bae cukup kaalaman ku Bapa hirup ngalalaworakeun elmu teh. Hidep mah sing ca'ang ti leuleutik. Geura deukeut jeung jalma-jalma alim anu linuwuh kupangeusi diri. Lain jalma anu awuntah cicing dina kaangkuhan jeung kasombongan. Cirining jalma anu eusian mah lain anu sok nyalahkeun batur asa aing pangbenerna. Lain jalma anu sok umaku hayang kapuji kubatur. Lain jalma anu sok loba nyawad jeung nyapelekeun dengeun. Tapi ciri jalma eusian mah hirupna handap asor depe-depe Estu rengkuh ka batur ngahargaan kanu sangoraeun ngahormat kanu sakoloteun ngajenan kanu sapantar. Hirupna tara nyirikeun seseringna nyamuni nyumput buni dinu caang. Mugia aya Ridho ti Nu Maha Kawasa hidep diamprokeun jeung jalma anu samodel kitu. Ulah gampang pegat asa, sing soson-soson getol ikhtiarna. Hiji waktu oge pasti tinekanan. Rahayu jeung waluya dunya akherat keur hidep. 

Caaag kitu bae heula anaking pepende ti bapa saacan maneh peureum peuting ieu. Isuk pageto ku bapa bakal diupahan deui.

Salam kasono ti bapa keur maneh anaking.

Pangbubuka

Bismillah, ku Kamurahana Dzat Nu Maha Agung…

Kalayan neda pitulung sareng bimbingan ti Gusti Nu Maha Asih, kuring seja nyiar elmu jeung dudularan, mugia janten kahadean geusan bekel jaga ka alam pangbalikan, sareng mugia janten cukang anu ngalantarankeun turuna rohmat oge barokah ti Nu Maha Welas, 

Ieu catetan lain diatik ku jalmi anu masagi ku pangarti, lain ditata ku jalma anu jembar ku pangabisa, estu catetan sabeunang-benangna dina waktu mapayan jalan-jalan kahirupan nu katukang. Undak-unduk basana nyata kirang nerap, pedaran kalimatna jauh ti kangeunah, eusina molongpong teu aya alaeun, bubuhan kukituna mah da sanes kyai sanes ustad tea. Beubeunangana tina leuleumpangan dina kamalir, ngojay dina cai merang, ngalana tina tumpukan sampah-sampah kahirupan, kaluarna lain tina hate anu nyanding ku kamulyaan, tapi tina diri anu dhoif, tina jiwa anu walatra ku kakuranganana. Jelasna hampuraeun jeung maklumkeuneun, kusabab maksud jeung tujuana mah catetan ieu dianggit teh sangkan jadi ibroh keur anak incu jeung katurunan, harepan mah hiji waktu kuring jaga di alam pangbalikan, nu katingali anak incu jeung katurunan mah hirup pinuh ku kamulyaan mungguh aya dina ridhona Dzat Nu Maha Agung, hirup teu kalangsu jeung kasasar lampah, nyingkahan kahanjakalan jaga anu teu bisa deui dihadean jeung diubaran. Sabab kanyeuri anu  hese panggih ubarna nyaeta kanyeuri leungiteun "waktu". Moal aya gantina moal aya tokona. "Waktu" teu bisa nginjeum ka batur, menta ka baraya. Tiap diri geus puguh ukurana.

Mangga urang ngahanca.

BAHASA SEMESTA DI LANGIT KALIJATI

Ketika langit tak setitik cahayapun

Dan batas-batas cakrawala telah terkaburkan

Aku harus bergegas mendekatiMu

Memohon ampunanMu

Memohon perlindunganMU

Memohon bimbinganMu

Karena kepekatan adalah lambang hawa nafsu

Sebab dalam gelap lebih mudah berbuat kejahatan

Sebab dalam gelap lebih mudah berbuat kefasikan

Sebab dalam gelap lebih mudah berbuat kekufuran

Sebab dalam gelap lebih mudah melahirkan kalimat-kalimat syahwat

Sebab dalam gelap lebih mudah kata-kata tak lagi bermakna

Tapi bukan gelapnya  langit kalijati

Yang jelas adalah gelapnya di langit-langit jiwa

Yang tak tersinari cahaya illahi

Yang tak tersinari cahaya ilmi

Karena keterlenaan kenikmatan duniawi

Sehingga batas-batas norma cakrawala hidup terkaburkan

Jelas tak ada kesalahan yang berujung kebahagiaan

Dan tak ada kebenaran yang berujung kesengsaraan

Maka... maafkan kami Wahai Rabbku

Hanya karena rahmatMulah jiwa-jiwa kami menjadi bercahaya

Kalijati Subang, Agustus 2014